سیاسی آدمی کی شکل تو پیاری نکلتی ہے
مگر جب گفتگو کرتا ہے چنگاری نکلتی ہے
لبوں پر مسکراہٹ دل میں بیزاری نکلتی ہے
بڑے لوگوں میں ہی اکثر یہ بیماری نکلتی ہے
محبت کو زبردستی تو لادا جا نہیں سکتا
کہیں کھڑکی سے میری جان الماری نکلتی ہے
یہی گھر تھا جہاں مل جل کے سب ایک ساتھ رہتے تھے
یہی گھر ہے الگ بھائی کی افطاری نکلتی ہے
وصی شاہ کی ایک دلکش غزل
23:25:00 Unknown
میں تیرے لب پہ ہوں دیرینہ شیکایت کی طرح
یاد رکھنا ہے تو نے مجھ کو عداوت کی طرح
چاند نکلے تو میرا جسم مہک اُٹھتا ھے
رُوح میں اُٹھتی ہوئی تازہ محبت کی طرح
تیری خاطر تو کوئی جان بھی لے سکتا ھوں
میں نے چاہا ہے تجھے گاؤں کی عزت کی طرح
کھل رہی ہےمیرے دیرینہ مسائل کی گرہ
میرے ماحول میں اُترا ہے وہ برکت کی طرح
اب تیرے ہجر میں کوئی لطف نہیں ہے باقی
اب تجھے یاد بھی کرتے ہیں تو عادت کی طرح
تم میری پہلی محبت تو نہیں ہو لیکن
میں نے چاہا ہے تمہیں پہلی محبت کی طرح
وہ جو آتی ہے تو پھر لوٹ کے جاتی ہی نہیں
تم لپٹ جاؤ کبھی ایسی مصیبت کی طرح
میرے دل میں کوئی معصوم سا بچہ ہے وصیؔ
جو تجھے سوچتا رہتا ہے شرارت کی طرح
امجد اسلام امجد کا فن پارہ
06:32:00 Unknown
ہاتھ پہ ہاتھ دَھرے بیٹھے ہیں‘ فرصت کتنی ہے
پھر بھی تیرے دیوانوں کی شہرت کتنی ہے!
سورج گھر سے نکل چکا تھا کرنیں تیز کیے
شبنم گُل سے پوچھ رہی تھی ”مہلت کتنی ہے!“
بے مقصد سب لوگ مُسلسل بولتے رہتے ہیں
شہر میں دیکھو سناٹے کی دہشت کتنی ہے!
لفظ تو سب کے اِک جیسے ہیں‘ کیسے بات کھلے؟
دُنیا داری کتنی ہے اور چاہت کتنی ہے!
سپنے بیچنے آ تو گئے ہو‘ لیکن دیکھ تو لو
دُنیا کے بازار میں ان کی قیمت کتنی ہے!
دیکھ غزالِ رم خوردہ کی پھیلی آنکھوں میں
ہم کیسے بتلائیں دل میں وحشت کتنی ہے!
ایک ادھورا وعدہ اُس کا‘ ایک شکستہ دل‘
لُٹ بھی گئی تو شہرِ وفا کی دولت کتنی ہے!
میں ساحل ہوں امجد اور وہ دریا جیسا ہے
کتنی دُوری ہے دونوں میں‘ قربت کتنی ہے
جاوید اختر کا دلکش کلام
00:35:00 Unknown
درد کے پھول بھی کھِلتے ہیں بِکھر جاتے ہیں
زخم کیسے بھی ہوں کچھ روز میں بَھر جاتے ہیں
راستہ روکے کھڑی ہے یہی اُلجھن کب سے
کوئی پُوچھے تو کَہیں کیا کہ کدھر جاتے ہیں
چھت کی کڑیوں سے اُترتے ہیں میرے خواب مگر
میری دیواروں سے ٹکرا کے بِکھر جاتے ہیں
نرم الفاظ بھلی باتیں مہذّب لہجے
پہلی بارش ہی میں یہ رنگ اُتر جاتے ہیں
اس دریچے میں بھی اب کوئی نہیں اور ہم بھی
سر جھُکائے ہوئے چُپ چاپ گزر جاتے ہیں
راحتؔ اندوری اپنے مخصوص لہجے میں۔۔۔
00:13:00 Unknown
راحتؔ اندوری اپنے مخصوص لہجے میں۔۔۔
سمندر پار ہوتی جا رہی ہے
دعا ، پتوار ہوتی جا رہی ہے
دریچے اب کھلے ملنے لگے ہیں
فضا ہموار ہوتی جا رہی ہے
کئی دن سے مرے اندر کی مسجد
خدا بیزار ہوتی جا رہی ہے
مسائل، جنگ، خوشبو، رنگ، موسم
غزل اخبار ہوتی جا رہی ہے
بہت کانٹوں بھری دنیا ہے لیکن
گلے کا ہار ہوتی جا رہی ہے
کٹی جاتی ہیں سانسوں کی پتنگیں
ہوا تلوار ہوتی جا رہی ہے
کوئی گنبد ہے دروازے کے پیچھے
صدا بیکار ہوتی جا رہی ہے
گلے کچھ دوست آ کر مل رہے ہیں
چھری پر دھار ہوتی جا رہی ہے
قتیل شفائی کی ایک پیاری غزل
06:22:00 Unknown
قتیل شفائی کی ایک پیاری غزل
تمہاری انجمن سے اُٹھ کے دیوانے کہاں جاتے
جو وابستہ ہوئے تم سے وہ افسانے کہاں جاتے
نکل کر دیر و کعبہ سے اگر ملتا نہ مے خانہ
تو ٹھکرائے ہوئے انساں خدا جانے کہاں جاتے
تمہاری بے رخی نے لاج رکھ لی بادہ خانے کی
تم آنکھوں سے پلا دیتے تو پیمانے کہاں جاتے
چلو اچھا ہوا، کام آ گئی دیوانگی اپنی
وگرنہ ہم زمانے بھر کو سمجھانے کہاں جاتے
قتیلؔ اپنا مقدر غم سے بیگانہ اگر ہوتا
تو پھر اپنے پرائے ہم سے پہچانے کہاں جاتے
غزلِ امجد اسلام امجد
23:13:00 Unknown
غزلِ امجدؔ اسلام امجد
نہ ربط ہے نہ معانی ، کہیں تو کس سے کہیں!
ہم اپنے غم کی کہانی ، کہیں تو کس سے کہیں!
سلیں ہیں برف کی سینوں میں اب دلوں کی جگہ
یہ سوزِ دردِ نہانی کہیں تو کس سے کہیں!
نہیں ہے اہلِ جہاں کو کو خود اپنے غم سے فراغ
ہم اپنے دل کی گرانی کہیں تو کس سے کہیں!
پلٹ رہے ہیں پرندے بہار سے پہلے
عجیب ہے یہ نشانی کہیں تو کس سے کہیں!
نئے سُخن کی طلبگار ہے نئی دُنیا
وہ ایک بات پرانی کہیں تو کس سے کہیں
نہ کوئی سُنتا ہے امجد نہ مانتا ہے اسے
حدیثِ شامِ جوانی کہیں تو کس سے کہیں!
امجد اسلام امجد کی پیاری غزل
23:05:00 Unknown
ہم تو اسیرِ خواب تھے تعبیر جو بھی تھی
دیوار پر لکھی ہوئی تحریر جو بھی تھی
ہر فرد لاجواب تھا، ہر نقش بے مثال
مِل جُل کے اپنی قوم کی تصویر جو بھی تھی
جو سامنے ہے، سب ہے یہ،اپنے کیے کا پھل
تقدیر کی تو چھوڑئیے تقدیر جو بھی تھی
آیا اور اک نگاہ میں برباد کر گیا
ہم اہلِ انتظار کی جاگیر جو بھی تھی
قدریں جو اپنا مان تھیں، نیلام ہو گئیں
ملبے کے مول بک گئی تعمیر جو بھی تھی
طالب ہیں تیرے رحم کےعدل کے نہیں
جیسا بھی اپنا جُرم تھا، تقصیر جو بھی تھی
ہاتھوں پہ کوئی زخم نہ پیروں پہ کچھ نشاں
سوچوں میں تھی پڑی ہُوئی، زنجیر جو بھی تھی
یہ اور بات چشم نہ ہو معنی آشنا
عبرت کا ایک درس تھی تحریر جو بھی تھی
جون ایلیا : خواب کے رنگ دل و جاں میں سجائے بھی گئے
07:31:00 Unknown
خواب کے رنگ دل و جاں میں سجائے بھی گئے
پھر وہی رنگ بہ صد طور جلائے بھی گئے
انہیں شہروں کو شتابی سے لپیٹا بھی گیا
جو عجب شوق فراخی سے بچھائے بھی گئے
بزمِ شوق کا کسی کی کہیں کیا حال جہاں
دل جلائے بھی گئے اور بجھائے بھی گئے
پشت مٹی سے لگی جس میں ہماری لوگو!
اُسی دنگل میں ہمیں داؤ سِکھائے بھی گئے
یادِ ایام کہ اک محفلِ جاں تھی کہ جہاں
ہاتھ کھینچے بھی گئے اور مِلائے بھی گئے
ہم کہ جس شہر میں تھے سوگ نشینِ احوال
روز اس شہر میں ہم دھوم مچائے بھی گئے
یاد مت رکھیو رُوداد ہماری ہرگز
ہم تھے وہ تاج محل جونؔ جو ڈھائے بھی گئے
بہت پر لطف گو اردو زباں ہے حافظ محمد ولایت اﷲ حافظ (ناگپوری)
23:34:00 Unknown
بہت پر لطف گو اردو زباں ہے
حافظ محمد ولایت اﷲ حافظ (ناگپوری)
بہت پر لطف گو اردو زباں ہے
مذکر اور مونّث کی ہے دقّت
حجاب و پردہ گھونگھٹ اور برقع
مذکر ہے یہ کل سامانِ عورت
مونث ہے جناب شیخ کی ریش
ہو کچھ بھی اس کی مقدار و طوالت
مذکر ہو گیا گیسوئے جاناں
ہوئی اس کی طوالت کی یہ عزّت
دُوپٹّہ عورتوں کا ہے مذکر
مونث کیوں ہے دستارِ فضیلت
فراق و وصل ہیں دونوں مذکر
مونث ہے مگر واعظ کی صحبت
ہوئیں جب مونچھ اور داڑھی مونث
تو پھر کرنا پڑا دونوں کو رخصت
مذکر اور مونّث کی ہے دقّت
حجاب و پردہ گھونگھٹ اور برقع
مذکر ہے یہ کل سامانِ عورت
مونث ہے جناب شیخ کی ریش
ہو کچھ بھی اس کی مقدار و طوالت
مذکر ہو گیا گیسوئے جاناں
ہوئی اس کی طوالت کی یہ عزّت
دُوپٹّہ عورتوں کا ہے مذکر
مونث کیوں ہے دستارِ فضیلت
فراق و وصل ہیں دونوں مذکر
مونث ہے مگر واعظ کی صحبت
ہوئیں جب مونچھ اور داڑھی مونث
تو پھر کرنا پڑا دونوں کو رخصت
خمارؔ بارہ بنکوی کی غزل
07:21:00 Unknown
جذبات میں وہ پہلی سی شدّت نہیں رہی
ضعفِ قویٰ نے آمدِ پیری کی دی نوید
وہ دل نہیں رہا، وہ طبیعت نہیں رہی
سر میں وہ انتظار کا سودا نہیں رہا
دل پر وہ دھڑکنوں کی حکومت نہیں رہی
کمزوریِ نگاہ نے سنجیدہ کر دیا
جلووں سے چھیڑ چھاڑ کی عادت نہیں رہی
ہاتھوں سے انتقام لیا ارتعاش نے
دامانِ یار سے کوئی نسبت نہیں رہی
میں اکیلا ہی چلا تھا جانب منزل مگر ۔ ۔ مجروح سلطانپوری
07:09:00 Unknown
سوزِ جاناں دل میں سوز دیگراں بنتا گیا
رفتہ رفتہ منقلب ہوتی گئی رسمِ چمن
دھیرے دھیرے نغمۂ دل بھی فغاں بنتا گیا
میں اکیلا ہی چلا تھا جانبِ منزل مگر
لوگ ساتھ آتے گئے اور کارواں بنتا گیا
جس طرف بھی چل پڑے ہم آبلہ پایانِ شوق
خار سے گل اور گل سے گلستاں بنتا گیا
شرحِ غم تو مختصر ہوتی گئی اس کے حضور
لفظ جو منہ سے نہ نکلا داستاں بنتا گیا
دہر میں مجروحؔ کوئی جاوداں مضموں کہاں
میں جسے چھوتا گیا وہ جاوداں بنتا گیا
محسن ؔبھوپالی کی ایک غزل
08:49:00 Unknown
محسن ؔبھوپالی کی ایک غزل
وہ برگِ خشک تھا اور دامنِ بہار میں تھا
نمودِ نو کی بشارت کے انتظار میں تھا
مری رفیقِ سفر تھیں حسد بھری نظریں
وہ آسمان تھا اور میرے اختیار میں تھا
بکھر گیا ہے تواب دل نگار خانہ ہے
غضب کا رنگ اس اک نقشِ اعتبار میں تھا
اب آگیا ہے تو ویرانیوں پر طنز نہ کر
ترا مکاں اسی اجڑے ہوئے دیار میں تھا
لکھے تھے نام مرے قتل کرنے والوں کے
عجیب بات ہے، میں بھی اسی شمار میں تھا
مجھے تھا زعم مگر میں بکھر گیا محسنؔ
وہ ریزہ ریزہ تھا اور اپنے اختیار میں تھا
امجدؔ اسلام امجد کی ایک پیاری سی غزل
07:42:00 Unknown
امجدؔ اسلام امجد کی ایک پیاری سی غزل
یہ رُکے رُکے سے آنسو، یہ دبی دبی سی آہیں
یونہی کب تلک خدایا، غم زندگی نباہیں
کہیں ظلمتوں میں گھِر کر، ہے تلاشِ دست رہبر
کہیں جگمگا اُٹھی ہیں مرے نقشِ پا سے راہیں
ترے خانماں خرابوں کا چمن کوئی نہ صحرا
یہ جہاں بھی بیٹھ جائیں وہیں ان کی بارگاہیں
کبھی جادۂ طلب سے جو پھرا ہوں دل شکستہ
تری آرزو نے ہنس کر وہیں ڈال دی ہیں بانہیں
مرے عہد میں نہیں ہے، یہ نشانِ سر بلندی
یہ رنگے ہوئے عمامے یہ جھکی جھکی کُلاہیں
حفیظؔ بنارسی کی ایک غزل
07:33:00 Unknown
حفیظؔ بنارسی کی ایک غزل
کچھ اس کے سنور جانے کی تدبیر نہیں ہے
دُنیا ہے تری زلفِ گرہ گیر نہیں ہے
کیوں تیری نوازش نہیں اب دیدہ و دل پر
کیا اب ترے ترکش میں کوئی تیر نہیں ہے
ٹوکیں گے تجھے ہم ترے اندازِ غلط پر
میخانہ ہے ساقی تری جاگیر نہیں ہے
ہر طرح کی پابندی ہے میرے لئے لیکن
اُس شوخ کی خاطر کوئی زنجیر نہیں ہے
گر کوئی گلہ ہے تو حفیظؔ اپنے عمل سے
ہونٹوں پہ مرے شکوۂ تقدیر نہیں ہے
احمد ندیم قاسمی کی ایک غزل
23:30:00 Unknown
غزلِاحمد ندیمؔ قاسمی
انداز ہو بہو تری آوازِ پا کا تھا
دیکھا نکل کے گھر سے تو جھونکا ہوا کا تھا
اس حسنِ اتفاق پہ لٹ کے بھی شاد ہوں
تیری رضا جو تھی وہ تقاضا وفا کا تھا
دل راکھ ہو چکا تو چمک اور بڑھ گئ
یہ تیری یاد تھی کہ عمل کیمیا کا تھا
اس رشتہء لطیف کے اسرار کیا کھلیں
تو سامنے تھا اور تصور خدا کا تھا
چھپ چھپ کے روؤں اور سرِ انجمن ہنسوں
مجھ کو یہ مشورہ مرے درد آشنا کا تھا
اٹھا عجب تضاد سے انسان کا خمیر
عادی فنا کا تھا تو پجاری بقا کا تھا
ٹوٹا تو کتنے آئینہ خانوں پہ زد پڑی
اٹکا ہوا گلے میں جو پتھر صدا کا تھا
حیران ہوں کہ دار سے کیسے بچا ندیم
وہ شخص تو غریب و غیور انتہا کا تھا
حضرت بیخود ؔ دہلوی کی غزل
00:42:00 Unknown
حضرت بیخود ؔ دہلوی کی غزل
بات کرنے میں گزرتی ہے ملاقات کی رات
بات ہی کیا ہے جو رہ جاؤ یہیں رات کی رات
اس شبِ تار میں جانے کی اجازت کیا خوب
اور پھر اس پر یہ طرہ ہے کہ برسات کی رات
تکیہ خشتِ خمِ مئے فرشِ زمین بسترِ خواب
چین سے کٹتی ہے رندانِ خرابات کی رات
سرد مہری نے تری مجھ کو رلا رکھا ہے
کبھی جاڑے مین بھی آ جاتی ہے برسات کی رات
حور کے شوق میں تڑپا کئے ہم تو واعظ
کہئے کس طرح کٹی قبلہ حاجات کی رات
غیر کا ذکر کبھی ختم ہوگا کہ نہیں
یہ شبِ وصل ہے یا حرف و حکایات کی رات
ذکرِ تقصیرِ گذشتہ نہیں تعزیر سے کم
یہ نلاقات کی شب ہے کہ مکافات کی رات
اور مہمان ہے دو چار گھڑی کا بیخودؔ
آپ آرام کریں آج یہیں رات کی رات
واصف علی واصف کی ایک غزل
09:25:00 Unknown
غزلِ
واصفؔ علی واصف
ہر چہرے میں آتی ہے نظر یار کی صورت
احباب کی صورت ہو کہ اغیار کی صورت
سینے میں اگر سوز سلامت ہو تو خود ہی
اشعار میں ڈھل جاتی ہے افکار کی صورت
جس آنکھ نے دیکھا تجھے اس آنکھ کو دیکھوں
ہے اس کے سِوا کیا ترے دیدار کی صورت
پہچان لیا تجھ کو تری شیشہ گری سے
آتی ہے نظر فن سے ہی فنکار کی صورت
اشکوں نے بیاں کرہی دِیا رازِ تمنّا
ہم سوچ رہے تھے ابھی اظہار کی صورت
اس خاک میں پوشیدہ ہیں ہر رنگ کے خاکے
مٹی سے نکلتے ہیں جو گلزار کی صورت
دل ہاتھ پہ رکھا ہے، کوئی ہے جو خریدے
دیکھوں تو ذرا میں بھی خریدار کی صورت
صورت مری آنکھوں میں سمائے گی نہ کوئی
نظروں میں بسی رہتی ہے سرکار کی صورت
واصفؔ کو سرِ دار پکارا ہے کسی نے
انکار کی صورت ہے نہ اقرار کی صورت
عالمتاب تشنہؔ کی ایک پیاری غزل
08:58:00 Unknown
عالمتاب تشنہؔ کی ایک پیاری غزل
سفر میں راہ کے آشوب سے نہ ڈر جانا
پڑے جو آگ کا دریا تو پار کر جانا
پڑے جو آگ کا دریا تو پار کر جانا
یہ اک اشارہ ہے آفاتِ ناگہانی کا
کسی جگہ سے پرندوں کا کوچ کرجانا
یہ انتقام ہے دشتِ بلا سے بادل کا
سمندروں پہ برستے ہوئے گزر جانا
تمھارا قُرب بھی دُوری کا استعارہ ہے
کہ جیسے چاند کا تالاب میں اُتر آنا
مرے یقین کو بڑا بدگمان کرکے گیا
دعائے نیم شب تیرا بے اثر جانا
عجب ہیں رزم گاہِ زندگی کے یہ انداز
اُسی نے وار کیا جس نے بے سپر جانا
ہمارے دم سے ہی آوارگیِ شب تھی
ہمیں عجیب لگے شام ہی سے گھر جانا
آغا شاعرؔ قزلباش ( افسر الشعراء آغا ظفر علی بیگ) کی غزل
23:47:00 Unknown
آغا شاعرؔ قزلباش ( افسر الشعراء آغا ظفر علی بیگ) کی غزل
جگر میں درد ہے ، دل مضطرب ہے جان بیکل ہے
مجھے اس بے خودی میں بھی خبر ہے اپنے عالم کی
شکایت کس سے کیجیے ہائے کیا الٹا زمانہ ہے
بڑھایا پیار جب ہم نے محبت یار نے کم کی
کہاں جانا ہے تھم تھم کر چلو ، ایسی بھی کیا جلدی
تمہی تم ہو خدا رکھے، نظر پڑتی ہے عالم کی
کوئی ایسا ہو آئینہ کہ جس میں تو نظر آئے
زمانے بھر کا جھوٹا ، کیا حقیقت ساغر جم کی
(مختصر تعارف( وکیپیڈیا سے
پیدائش؛1871ء وفات؛ 1940ء
اردو شاعر۔ آغا مظفر بیگ قزلباش نام۔ داغ دہلوی سے اصلاح لیتے تھے۔ تیس سال کی عمر میں تلاش معاش میں حیدر آباد دکن گئے اور داغ کی سفارش پر مہاراجہ سرکش پرشاد کی ڈیوڑھی پر ملازم ہوگئے۔ وہاں سے کلکتے چلے گئے اور ناٹک کمپنیوں کے ڈرامے لکھنے لگے۔ پھر ریاست جھالا واڑکے درباری شاعر مقرر ہوئے۔ وہیں رباعیات عمر خیام کا منظوم ترجمہ کیا۔ پہلا دیوان تیر و نشتر کے نام سے 1906میں شائع ہوا۔ قتل بے نظیر ان کا مشہور ڈراما ہے۔ دوسری تصانیف آویزہ گوش اور دامن مریم ہیں۔
مزید ایک غزل جو ہمیں اردو محفل فورم سے حاصل ہوئی۔
جوشِ الفت میں وہ قطرے کا فنا ہو جانا
اُس پہ دریا کا وہ لب تشنہ سوا ہوجانا
کوئی انداز ہے! رہ رہ کے ، خفا ہوجانا
اپنے بندوں سے، یہ کھچنا کہ خدا ہوجانا
ضبطِ غم سے مری آہوں کے شرارے کجلائے
بے ہوا، کام ہے شعلے کا فنا ہوجانا
اپنے نیرنگیء انداز کا اعجاز تو دیکھ
ابھی شوخی تھی، ابھی اس کا حیا ہوجانا
اس زمانے میں نہیں کوئی کسی کا ہمدرد
دل کے دو حرف ہیں، اُن کو بھی جدا ہوجانا
ضعف سے اُٹھ نہیں سکتا تیرا بیمار فراق!
اے اجل! تو ہی کرم کر کے ذرا ہو جانا
شاعرِ زا ر نہیں کوئی بھی معیار مرا
پھر بھی مشہور ہے کھوٹے کا کھرا ہو جانا
Subscribe to:
Posts (Atom)