Urdu Shairy : Habeeb jalib .. ki ek ghazal

Urdu Shairy : Habeeb jalib .. ki ek ghazal

  23:40:00    Unknown

---

حبیب جالب ؔ کی ایک غزل

محبت کی رنگینیاں چھوڑ آئے
ترے شہر میں اک جہاں چھوڑ آئے

پہاڑوں کی وہ مست شاداب وادی
جہاں ہم دلِ نغمہ خواں چھوڑ آئے

وہ سبزہ ، وہ دریا، وہ پیڑوں کے سائے
وہ گیتوں بھری بستیاں چھوڑ آئے

حسیں پنگھٹوں کا وہ چاندی سا پانی
وہ برکھا کی رت وہ سماں چھوڑ آئے

بہت دور ہم آگئے اس گلی سے
بہت دور وہ آستاں چھوڑ آئے

بہت مہرباں تھیں وہ گلپوش راہیں
مگر ہم انہیں مہرباں چھوڑ آئے

بگولوں کی صورت یہاں پھر رہے ہیں
نشیمن سرِ گلستاں چھوڑ آئے

یہ اعجاز ہے حسنِ آوارگی کا
جہاں بھی گئے داستاں چھوڑ آئے

چلے آئے ان راہگزاروں سے جالب
مگر ہم وہاں قلب و جاں چھوڑ آئے

Read More

Urdu Shairy .. Jadeed Ghazal

Urdu Shairy .. Jadeed Ghazal

  00:11:00    Unknown

---

ایم۔ جے ۔خالد کا جدید رنگ تغزّل

نامہ بر میرے لئے ہے ڈیش ڈیش

یہ خبر میرے لئے ہے ڈیش ڈیش

گل مہر کے ہاتھ پر بیعت کروں

گل مہر میرے لئے ہے ڈیش ڈیش

جس ڈگر سے خوف کھاتا ہے جہاں

وہ ڈگر میرے لئے ہے ڈیش ڈیش

اس سفر کا منتظر تھا کب سے میں

یہ سفر میرے لئے ہے ڈیش ڈیش

جس ہنر کا وہ اڑاتا ہے مذاق

وہ ہنر میرے لئے ہے ڈیش ڈیش 

Read More

Urdu Shairy ..Munawwar rana

Urdu Shairy ..Munawwar rana

  00:37:00    Unknown

---

منوّر رانا کی حسّاس غزل

ہر ایک آواز اردو کو فریادی بتاتی ہے

یہ پگلی پھر بھی اب تک خود کو شہزادی بتاتی ہے

کئی باتیں محبت سب کو بنیادی بتاتی ہے

جو پر دادی بتاتی تھی وہی دادی بتاتی ہے

جہاں پچھلے کئی برسوں سے کالے ناگ رہتے ہیں

وہاں چڑیا کا ایک گھونسلہ تھا دادی بتاتی ہے

ابھی تک یہ علاقہ ہے رواداری کے قبضے میں

ابھی فرقہ پرستی کم ہے آبادی بتاتی ہے

یہاں ویرانیوں کی ایک مدت سے حکومت ہے

یہاں سے نفرتیں گذری ہے بربادی بتاتی ہے

لہو کیسے بہایا جائے یہ لیڈر بتاتے ہیں

لہو کا ذائقہ کیسا ہے یہ کھادی بتاتی ہے

غلامی نے ابھی تک ملک کا پیچھا نہیں چھوڑا

ہمیں پھر قید ہونا ہے یہ آزادی بتاتی ہے

غریبی کیوں ہمارے شہر سے باہر نہیں جاتی

امیرِ شہر کے گھر کی ہر ایک شادی بتاتی ہے

میں ان آنکھوں کے میخانے میں تھوڑی دیر بیٹھا تھا

مجھے دنیا نشے کا آج تک عادی بتاتی ہے

Read More

Majid Deobandi ki ek Ghazal

Majid Deobandi ki ek Ghazal

  23:17:00    Unknown

---

بندگی کی عزمت کو عرش سے ملا دوں گا

تیرے آستانے پر جب میں سر جھکا دوں گا

عمر بھر دعا مانگی جس نے میرے مرنے کی

میں اسی کو جینے کی عمر بھر دعا دونگا

لاکھ روئے زیبا کو تم چھپاؤ پردے میں

جب بھی دل پکارے گا ہر نقاب اٹھا دوں گا

داستاں تباہی کی آپ پوچھتے کیا ہے

میں اگر سناؤں گا آپکو رلا دوں گا

مسکراتے زخموں سے حال پوچھ لو میرا

آپ کے سوالوں کا میں کیا جواب دوں گا

میں سدا کھلاؤں گا پھول مہر و الفت کے

آتشِ وداوت کو پیار سے بجھا دوں گا

التفاتِ عالی کا یہ جواب ہے ماجدؔ

جب وہ مسکرائیں گے میں غزل سنا دوں گا

Read More

فرزانہ نیناں Farzana Naina .. Chai hui hai yas ki gaherii khamooshiya

فرزانہ نیناں Farzana Naina .. Chai hui hai yas ki gaherii khamooshiya

  06:37:00    Unknown

---

فرزانہ نیناںؔ

چھائی ہوئی ہیں یاس کی گہری خموشیاں
کب تک رہیں گی نصب یہ قبروں پہ تختیاں

سوکھے ہوئے درخت پہ بارش کا تھا کرم
نشے سے بھر گئیں مرے گلشن کی ڈالیاں

حالات نے جو بیج مرے دل میں بوئے ہیں

پھوٹا کریں گی ان میں سے شبنم کی بالیاں

احساس تک نہیں تمہیں، جھونکا اداس سا

اک بار تم کو چھونے سے ہوتا ہے خوش گماں

ہم سب کو تشنگی نے کیا اس طرح نڈھال

یک لخت سب نے منہ سے لگائیں پیالیاں

پھر بانسری بجی ہے کہیں درد سے بھری

پھر رو پڑی ہیں میرے خیالوں کی شوخیاں

کیا اب کوئی چراغ افق پر رہا نہیں

صدیوں سے آ رہی ہیں جو تاریک بدلیاں

خیمے اُکھیڑتے ہوئے سانسیں اُکھڑ گئیں

کب تک رہیں گی ساتھ یہ خانہ بدوشیاں

نیناں، وہ کس لگن سے تجھے کر رہا ہے یاد

تجھ کو جو آ رہی ہیں لگاتار ہچکیاں

Read More

Fakherah Batool ka kalaam ۔ ۔ ۔ فاخرہ بتول

Fakherah Batool ka kalaam ۔ ۔ ۔ فاخرہ بتول

  00:24:00    Unknown

---

فاخرہ بتول کا کلام

بتاؤ دل کی بازی میں بھلا کیا بات گہری تھی؟

کہا، یُوں تو سبھی کچھ ٹھیک تھا پر مات گہری تھی

سُنو بارش ! کبھی خود سے بھی کوئی بڑھ کے دیکھا ہے؟

جواب آیا، اِن آنکھوں کی مگر برسات گہری تھی

سُنو، پیتم نے ہولے سے کہا تھا کیا، بتاؤ گے؟

جواب آیا، کہا تو تھا مگر وہ بات گہری تھی

دیا دل کا سمندر اُس نے تُم نے کیا کیا اس کا؟

ہمیں بس ڈوب جانا تھا کہ وہ سوغات گہری تھی

وفا کا دَشت کیسا تھا، بتاؤ تُم پہ کیا بِیتی ؟

بھٹک جانا ہی تھا ہم کو ، وہاں پر رات گہری تھی

تُم اس کے ذکر پر کیوں ڈوب جاتے ہو خیالوں میں؟

رفاقت اور عداوت اپنی اس کی سات گہری تھی

نظر آیا تمہیں اُس اجنبی میں کیا بتاؤ گے؟

سُنو، قاتل نگاہوں کی وہ ظالم گھات گہری تھی

Read More

خمار بارہ بنکوی Khumar barah bankavi .. Bhoole hai rafta rafta unhe muddato me ham

خمار بارہ بنکوی Khumar barah bankavi .. Bhoole hai rafta rafta unhe muddato me ham

  23:56:00    Unknown

---

بھولے ہیں رفتہ رفتہ انہیں مدّتوں میں ہم

(خمارؔ بارہ بنکوی )

اک پل میں اک صدی کا مزا ہم سے پوچھیے

دو دن کی زندگی کا مزا ہم سے پوچھیے

بھولے ہیں رفتہ رفتہ انہیں مدّتوں میں ہم

قسطوں میں خود کشی کا مزا ہم سے پوچھیے

آغازِعاشقی کا مزا آپ جانیے

انجامِ عاشقی کا مزا ہم سے پوچھیے

وہ جان ہی گئے کہ ہمیں ان سے پیار ہے

آنکھوں کی مخبری کا مزا ہم سے پوچھیے

جلتے دلوں میں جلتے گھروں جیسی ضَو کہاں

سرکار روشنی کا مزا ہم سے پوچھیے

ہنسنے کا شوق ہم کو بھی تھا آپ کی طرح

ہنسیے مگر ہنسی کا مزا ہم سے پوچھیے

ہم توبہ کر کے مر گئے قبلِ اجل خمارؔ

توہینِ مے کشی کا مزا ہم سے پوچھیے

Read More

Khumar Barah bankavi ki Ghazal

Khumar Barah bankavi ki Ghazal

  23:50:00    Unknown

---

خمارؔ بارہ بنکوی کی ایک غزل

ہجر کی شب ہے اور اجالا ہے

کیا تصور بھی لٹنے والا ہے

غم تو ہے عینِ زندگی لیکن

غمگساروں نے مار ڈالا ہے

عشق مجبور و نامراد سہی

پھر بھی ظالم کا بول بالا ہے

دیکھ کر برق کی پریشانی

آشیاں خود ہی پھونک ڈالا ہے

کتنے اشکوں کو کتنی آہوں کو

اک تبسم میں اس نے ڈھالا ہے

تیری باتوں کو میں نے اے واعظ

احتراماً ہنسی میں ٹالا ہے

موت آئے تو دن پھریں شاید

زندگی نے تو مار ڈالا ہے

شعر، نغمہ ، شگفتگی، مستی

غم کا جو روپ ہے نرالا ہے

لغزشیں مسکرائیں ہیں کیا کیا

ہوش نے جب مجھے سنبھالا ہے

دم اندھیرے میں گھٹ رہا ہے خمار

اور چاروں طرف اجالا ہے

Read More

Nazeer Akbar Aabadi ki Ghazal

Nazeer Akbar Aabadi ki Ghazal

  00:15:00    Unknown

---

عشق ميں عقل و ہوش کھونا تھا

(نظير اکبر آبادي)

عشق ميں عقل و ہوش کھونا تھا

کيجے کيا اب، ہوا جو ہونا تھا

شب کو آکر وہ پھر گيا

کيا اسي رات ہم کو سونا تھا

کھول دي چاہ ديدہ ِ تر نے

ياں نہ لازم پلک بھگونا تھا

اور جو ايسا ہي تھا تو گوہر اشک

ہٹ کے اغيار سے پرونا تھا

يا چھپانا نظيرؔ تھا بہتر

يا تعشق سے ہاتھ دھونا تھا

Read More

John Elia ... Akhlaq na bartege

John Elia ... Akhlaq na bartege

  00:10:00    Unknown

---

اخلاق نہ برتيں گے، مدارا نہ کريں گے

(جون ايليا)

اخلاق نہ برتيں گے، مدارا نہ کريں گے

اب ہم بھي کسي شخص کي پروا نہ کريں گے

کچھ لوگ کئي لفظ غلط بول رہے ہيں

اصلاح! مگر ہم بھي اب اصلا نہ کريں گے

کم گوئي کہ اک وصف ِ حماقت ہے، بہر طور

کم گوئي کو اپنائيں گے، چہکا نہ کريں گے

اب سہل پسندي کو بنائيں گے وتيرہ

تا دير کسي باب ميں سوچا نہ کريں گے

غصہ بھي ہے تہذيب ِ تعلق کا طلب گار

ہم چپ ہيں، بھرے بيٹھے ہيں، غصہ نہ کريں گے

کل رات بہت غور کيا ہے سو ہم، اے جون!

طے کر کے اٹھے ہيں کہ تمنا نہ کريں گے

Read More

Sudarshan fikar .. Ahle Ulfat k hawalo pe hasi aati hai

Sudarshan fikar .. Ahle Ulfat k hawalo pe hasi aati hai

  00:07:00    Unknown

---

اہل ِ الفت کے حوالوں پہ ہنسي آتي ہے

(ؔسدرشن فکر )

اہل  الفت کے حوالوں پہ ہنسي آتي ہے

ليلٰي مجنوں کي مثالوں پہ ہنسي آتي ہے

جب بھي تکميل ِ محبت کا خيال آتا ہے

مجھ کو اپني ہي خيالوں پہ ہنسي آتي ہے

لوگ اپنے لئے اوروں ميں وفا ڈھونڈتے ہيں

ان وفا ڈھونڈنے والوں پہ ہنسي آتي ہے

ديکھنے والو! تبسم کو کرم مت سمجھو

انہيں تو ديکھنے والوں پہ ہنسي آتي ہے

چاندني رات محبت ميں حسيں تھي، فاکر

اب تو بيمار اجالوں پہ ہنسي آتي ہے

Read More

Nida fazli .. Apni marzi se kah a

Nida fazli .. Apni marzi se kah a

  23:53:00    Unknown

---

اپني مرضي سے کہاں اپنے سفر کے ہم ہيں

(ندا فاضلي)

اپني مرضي سے کہاں اپنے سفر کے ہم ہيں

رخ ہواؤں کا جدھر کا ہے، ادھر کے ہم ہيں

پہلے ہر چيز تھي اپني مگر اب لگتا ہے

اپنے ہي گھر ميں کسي دوسرے گھر کے ہم ہيں

وقت کے ساتھ ہے مٹي کا سفر صديوں سے

کس کو معلوم، کہاں کے ہيں، کدھر کے ہم ہيں

چلتے رہتے ہيں کہ چلنا ہے مسافر کا نصيب

سوچتے رہتے ہيں کس راہگذر کے ہم ہيں

گنتيوں ميں ہي گنے جاتے ہيں ہر دور ميں ہم

ہر قلمکار کي بےنام خبر کے ہم ہيں

Read More

Aslam Ansari .. Mai ne roka bhi nahi

Aslam Ansari .. Mai ne roka bhi nahi

  06:10:00    Unknown

---

ब्लोग्गर 

میں نے روکا بھی نہیں اور وہ ٹھہرا بھی نہیں

(اسلم انصاری )

میں نے روکا بھی نہیں اور وہ ٹھہرا بھی نہیں
حادثہ کیا تھا جسے دل نے بھلایا بھی نہیں

جانے والوں کو کہاں روک سکا ہے کوئی
تم چلے ہو تو کوئی روکنے والا بھی نہیں

دور و نزدیک سے اٹھتا نہیں شور زنجیر
اور صحرا میں کوئی نقش کف پا بھی نہیں

بے نیازی سے سبھی قریہء جاں گزرے
دیکھتا کوئی نہیں ہے کہ تماشا بھی نہیں

وہ تو صدیوں کا سفر کر کے یہاں پہنچا تھا
تو نے منہ پھیر کے جس شخص کو دیکھا بھی نہیں

کس کو نیرنگی ایام کی صورت دکھلائیں
رنگ اڑتا بھی نہیں نقش ٹھہرتا بھی نہیں

Read More

Nawaz Deobandi .. Karne ko to har bat ko ham yad karenge

Nawaz Deobandi .. Karne ko to har bat ko ham yad karenge

  23:50:00    Unknown

---

کرنے کو تو ہر بات کو ہم یاد کرینگے

(نوازؔ دیوبندی)
کرنے کو تو ہر بات کو ہم یاد کرینگے
پر تجھ کو بہت تیری قسم یاد کرینگے

جس سر کی تیرے شہر میں توہین ہوئی ہے
اس سر کو تیرے نقش قدم یاد کرینگے

غیروں کو تو کیا رنج میری موت کا ہوگا
احباب بھی دو چار قدم یاد کرینگے

اپنو ںکی عنایت کا یہی حال رہا ہے
ہم اپنے رقیبوں کے ستم یاد کرینگے

آ جایں گی ایک روز ہمیں راس جفایں
کچھ روز مگر تیرے ستم یاد کرینگے

تقدیر ہمیں لاکھ مسرت سے نوازے
ہم آپکے بخشے ہوئے غم یاد کرینگے

Read More

Sarwar Aalam Raaz Sarwar ki ek ghazal

Sarwar Aalam Raaz Sarwar ki ek ghazal

  12:00:00    Unknown

---

غزل

(سرور عالم راز سرورؔ)

زمانہ کی ادا ہے کافرانہ

جُدا میرا ہے طرزِ عاشقانہ

ترا ذوقِ طلب نا محرمانہ

نہ آہِ صبح، نے سوزِ شبانہ

شباب و شعر و صہبائے محبت

بہت یاد آئے ہے گذرا زمانہ

"چہ نسبت خاک رابا عالم پاک"

کہاں میں اور کہاں وہ آستانہ

بہت نازک ہے ہر شاخ تمنا

بنائیں ہم کہاں پھر آشیانہ

مکاں جو ہے وہ عکس لامکاں ہے

اگر تیری نظر ہو عارفانہ

مری آہ و فغاں اک نے نوازی

مرا حرفِ شکایت شاعرانہ

میں نظریں کیا ملاتا زندگی سے

اُٹھیں، لیکن اُٹھیں وہ مجرمانہ

ہماری زندگی کیا زندگی ہے

مگر اک سانس لینے کا بہانہ

مجھے دیکھو مری حالت نہ پوچھو

مجھے آتا نہیں باتیں‌بنانا

اُلجھ کر رہ گیا میں روز و شب میں

سمجھ میں‌کب یہ آیا تانا بانا

نہ دیکھو، اس طرح مجھ کو نہ دیکھو

بکھر جاؤں گا ہوکر دانہ دانہ

مجھے ہے ہر کسو پر خود کا دھوکا

یہ دُنیا ہے کہ ہے آئینہ خانہ؟

نکالو راہ اپنی آپ سرورؔ

کبھی دُنیا کی باتوں میں نہ آنا

Read More

Noshi Geelani ki bahtreen Ghazal

Noshi Geelani ki bahtreen Ghazal

  10:49:00    Unknown

---

ایک پشیماں سی حسرت سے مجھے سوچتا ہے

(نوشیؔ گیلانی )

اک پشیمان سی حسرت سےمُجھے سوچتا ہے

اب وُہی شہر محبت سے مُجھے سوچتا ہے

میں تو محدُود سے لمحوں میں مِلی تھی اُس سے

پھر بھی وہ کِتنی وضاحت سے مُجھے سوچتا ہے

جِس نے سوچا ہی نہ تھا ہجر کا ممکن ہونا

دُکھ میں ڈوُبی ہُوئی حیرت سے مُجھے سوچتا ہے

میں تو مَر جاؤں اگر سوچتے لگ جاؤں اُسے

اور وہ کِتنی سہُولت سے مُجھے سوچتا ہے

گرچہ اب ترکِ مراسم کو بہت دیر ہُوئی

اب بھی وہ میری اجازت سے مُجھے سوچتا ہے

کِتنا خوش فہم ہے وہ شخص کہ ہر موسم میں

اِک نئے رُخ نئی صُورت سے مُجھے سوچتا ہے

Read More

Urdu Ghazal .. M.M.Mughal

Urdu Ghazal .. M.M.Mughal

  10:30:00    Unknown

---

تیرگی سرِ مژگاں جگنوؤں کی آسانی

(میم۔ میم ۔ مغل)

تیرگی سرِ مژگاں جگنوؤں کی آسانی

مشکلوں سے ملتی ہے مشکلوں کی آسانی

انتظار کی شب میں صبح جاگ اٹھی ہے

شام سے خفا سی ہے دستکوں کی آسانی

ہر نفس سلگتی ہے چہرگی کو روتی ہے

آئنوں کے جنگل میں حیرتوں کی آسانی

دل سراب زار ایسا عشق میں نہیں ہوتا

تشنگی سلامت اور بارشوں کی آسانی

وصل ایک اندیشہ بُن رہا ہے مدت سے

ہجر میں یقیں کا دکھ واہموں کی آسانی

دھڑکنیں ملامت سی سانس تازیانہ سی

ایسے میں غنیمت ہے آنسوؤں کی آسانی

مطمعن نہ ہوجانا یہ سخن کا صحرا ہے

اس میں کم ہی ملتی ہے آہوؤں کی آسانی

شعر گوئی بھی محمود یار سے عبارت ہے

گر تجھے میسر ہو رتجگوں کی آسانی

Read More

Urdu Ghazal Wasi Shah..Baraha tujh se kaha tha

Urdu Ghazal Wasi Shah..Baraha tujh se kaha tha

  02:26:00    Unknown

---

با رہا تجھ سے کہا تھا مجھے اپنا نہ بنا 

(وصیؔ شاہ )

بارہا تجھ سے کہا تھا مجھے اپنا نہ بنا
اب مجھے چھوڑ کے دنیا میں تماشا نہ بنا

نہ دکھا پائے گا تُو خواب میری آنکھوں کے
اب بھی کہتا ہوں مصور میرا چہرہ نہ بنا

اک یہی غم میرے مرنے کیلئے کافی ہے
جیسا تُو چاہتا تھا مجھ کو میں ویسا نہ بنا

ایک بات اور پتے کی میں بتاؤں تجھ کو
آخرت بنتی چلی جائے گی، دنیا نہ بنا

یہ خدا بن کے رعایت نہیں کرتے ہیں وصیؔ
حسن والوں کو کبھی قبلہ و کعبہ نہ بنا

Read More