اردو کے پہلے صاحب دیوان شاعرسلطان محمد قلی قطبؔ شاہ کی غزل(دکنی اردو میں)

اردو کے پہلے صاحب دیوان شاعرسلطان محمد قلی قطبؔ شاہ کی غزل(دکنی اردو میں)

  06:21:00    Unknown

---

اردو کے پہلے صاحب دیوان شاعرسلطان محمد قلی قطبؔ شاہ کی غزل(دکنی اردو میں)

سب اختیار میرا تج ہات ہے پیارا

جس حال سوں رکھے گا ہے او خوشی ہمارا

نیناں انجھوں سوں دھوئوں پگ اپ پلک سوں جھاڑوں

جے کوئی خبر سولیاوے مکھ پھولوں کا تمہارا

بتخانہ نین تیرے ہو ربت نین کیا پتلیاں

مجھ نین ہیں پوجاری پوجا ادھان ہمارا

اس پتلیاں کی صورت کئی خواب میں جو دیکھے

رشک آئے مجھ، کرے مت کوئی سجدہ اس دوارا

تُج عاشقاں میں ہوتا جنگ و جدل سو سب دن

ہے شرعِ احمدی تُج انصاف کر خدارا

تُج خیال کی ہوس تھے ہے جیو ہمن سو زندہ

او خیال کد نجاوے ہم سرتھے ٹک بہارا

جب توں لکھیا قطبؔ شہ مہر محمدؐ اپ دل

ہے شش جہت میں تجھ کو حیدر کہ توا دہارا

قلی قطب شاہ ریاست گولکنڈ ہ کے فرمانروا تھے آپ کا دور حکومت تقریباً تیس سال رہاہندوستان کے مشہور شہر حیدرآباد کی بنیاد قلی قطب شاہ نے ہی رکھی اور چار مینار کی تعمیر کروائی۔

قلی قطب شاہ بڑے ہی علم دوست ، عربی اور فارسی کے ماہر اور اردو کے پہلے صاحب دیوان شاعر تھے۔

آپ کے مجموعہ کلام میں غزلیات ، رباعیاں قصیدے اور مختلف قطعات وغیرہ شامل ہے۔قلی قطب شاہ کا کلام دکنی اردو ادب کو پیش کرتا ہے ان کے دور میں اردو فروغ پا رہی تھی ۔ قلی قطب شاہ کو بلا مبالغہ  ابان اردو کا  architect کہا جا سکتا ہے جنہوں نے اپنے کلام میں بکثرت ہندی فارسی اور عربی الفاظ  اور پنجابی و دکنی محاروں کو استعمال کیا  اپنی ریاست 

میں اردو زبان کو عام بول چال کی زبان بنانے میں انتہائی اہم کردار ادا کیا۔

قلی قطب شاہ کا دیوان پڑھنے کے لیے یہاں کلک کریں۔

Read More

دل نا بنا ۔ ۔ ۔ 4 زبردست اشعار

دل نا بنا ۔ ۔ ۔ 4 زبردست اشعار

  01:51:00    Unknown

---

غالباً میں ہشتم یا نہم میں تھا تب روزنامہ اردو ٹائمس ممبئی میں یہ تین زبردست اشعار پڑھے تھے اور ان میں اتنی جاذبیت محسوس ہوئی کہ 
فوراً ازبر ہو گئے تھے۔ آج اتفاقاً یاد آگئے تو سوچا آپ لوگوں کی نذر کروں۔

ان میں سے ایک شعر داغؔ کا ہے دوسرا جگرؔ کا اور تیسرا کسی اور شاعر کا ہے۔ اب اتنا عرصہ گذر گیا ہیکہ یہ یاد نہیں رہ سکا کونسا 

شعر کس شاعر کا ہے۔

فیس بک پر www.urdurisala.com  کے روح رواں جناب عبدل واحد ہاشمی سے ان اشعار کے تعلق سے گفتگو ہوئی اور ماشاءاللہ ان اشعار کے ساتھ جڑی دلچسپ باتیں بھی معلوم ہوئی ، حضرت نے یہ قصہ اپنے فیس بک پیج پر پوسٹ کیا تھا ان کی اجازت سے ہم یہاں تصحیح کے طور پر پیش کر رہے ہیں۔

Read More

Ahmed Nadeem Qasmi Ki Bahtreen ghazal

Ahmed Nadeem Qasmi Ki Bahtreen ghazal

  00:54:00    Unknown

---

احمد ندیمؔ قاسمی کی ایک پیاری غزل

مجھے دکھ یہ ہےکہ بہار میں بھی طیور بے پر و بال ہیں

میرے ہمسفر ! نہ ملول ہو، یہ ملال میرے ملال ہے

میری بے کلی سے خفا نہ ہو، میری جستجو کا بھرم نہ کھو

تجھے اک جواب وبال ہے، میرے لب پہ لاکھ سوال ہیں

وہ تھی اک لکیر سی آبجو،یہ ہے، چار سو کی فضائے ہو

وہ گھڑی تھی تیرے وصال کی، یہ فراق کے مہ و سال ہیں

یہ عجیب حسن قیاس ہے، کہ جو دور ہے وہی پاس ہے

یہ تصورات کے واہمے، میرے دشتِ غم کے غزال ہیں

یہ جو عرصہ گاہِ خیال ہے، تیرا فن ہے تیرا جمال ہے

میرے شعر ہوں کہ ادب میرا، یہ سبھی تیرے خد و خال ہے

یہ عجب طرح کا تضاد ہے ، یہ دل و نظر کا فساد ہے

میرے تجربے ہیں کمال پر ، میرے درد رو بہ زوال ہیں

تزئین شدہ شکل دیکھنے کے لیے یہاں کلک کریں

Read More

فیض احمد فیضؔ کی غزل

فیض احمد فیضؔ کی غزل

  23:57:00    Unknown

---

فیض احمد فیضؔ کی غزل

روشن کہیں بہار کے امکاں ہوئے تو ہیں

گلشن میں چاک چند گریباں ہوئے تو ہیں

اب بھی خزاں کا راج ہے لیکن کہیں کہیں

گوشے رہِ چمن میں غزل خواں ہوئے تو  ہیں

ٹھہری ہوئی ہے شب کی سیاہی وہیں مگر

کچھ کچھ سحر کے رنگ پُر افشاں ہوئے تو ہیں

ان میں لُہو جلا ہو، ہمارا، کہ جان و دل

محفل میں کچھ چراغِ فروزاں ہوئے تو ہیں

ہاں کج کر و کلاہ کہ سب کچھ لُٹا کے ہم

اب بے نیازِ گردشِ دوراں ہوئے تو ہیں

اہلِ قفس کی صبح چمن میں کھلے گی آنکھ

بادِ صبا سے وعدہ و پیماں ہوئے تو ہیں

ہے دشت اب بھی دشت مگر خون پا سے فیضؔ

سیراب چند خارِ مغیلاں ہوئے تو ہیں

Read More

Tilok Chand mahroom ki ek ghazal

Tilok Chand mahroom ki ek ghazal

  01:45:00    Unknown

---

تلوک چند محرومؔ کی ایک پیاری غزل

نظر اٹھا دل ناداں یہ جستجو کیا ہے ؟

اسی کا جلوہ تو ہے اور روبرو کیا ہے ؟

کسی کی ایک نظر نے بتا دیا مجھ کو

سرورِ بادہ بے ساغر و سبو کیا ہے

قفس عذاب سہی، بلبلِ اسیر ، مگر

ذرا یہ سوچ کہ وہ دامِ رنگ و بو کیا ہے ؟

گدا نہیں ہے کہ دستِ سوال پھیلائیں

کبھی نہ آپ نے پوچھا کہ آرزو کیا ہے؟

نہ میرے اشک میں شامل نہ ان کے دامن پر

میں کیا بتاؤں انہیں ، خونں آرزو کیا ہے ؟

سخن ہو سمع خراشی تو خامشی بہتر

اثر کرے نہ جو دل پر وہ گفتگو کیا ہے؟

Read More

نریش کمار شادؔ کی غزل

نریش کمار شادؔ کی غزل

  00:02:00    Unknown

---

نریش کمار شادؔ کی غزل

تیرا ہجر میرا نصیب ہے،تیرا غم ہی میری حیات ہے

مجھے تیری دوری کا غم ہو کیوں،تو کہیں بھی ہو میرے ساتھ ہے

میرے واسطے تیرے نام پر کوئی حرف آئے، نہیں ! نہیں!

مجھے خوف دنیا نہیں مگر ،  میرے رو برو تیری ذات ہے

تیرا وصل ائے میری دلربا  ، نہیں میری قسمت تو کیا ہوا؟

میری مہ جبیں یہ ہی کم ہے کیا، تیری حسرتوں کو تو ساتھ ہے

تیرا عشق مجھ پہ ہے مہرباں، میرے دل کو حاصل ہے دو جہاں

میری جان جاں اسی بات پر ، میری جان جائے تو بات ہے

ڈیزائنڈ غزل یہاں دیکھیے

Read More

Urdu Ghazal .. Naresh kumaar Shaad

Urdu Ghazal .. Naresh kumaar Shaad

  23:29:00    Unknown

---

نریش کمار شادؔ کی غزل

جب بھی اس گل بدن کی یاد آئی

ہو گئی پُر بہار تنہائی

چونک اُٹھے حادثات دنیا کے

میرے ہونٹوں پہ جب ہنسی آئی

جب کسی نے تمھارا نام لیا

جانے کیوں مجھ کو اپنی یاد آئی

دیکھ اے شیخ میرے ساغر میں

اپنی جنت کی جلوہ فرمائی

ہوش میں شادؔ جب تجھے دیکھا

تجھ میں ہم نے تیری کمی پائی

Read More