اعجاذ عبید صاحب کی ایک پیاری سی غزل

اعجاذ عبید صاحب کی ایک پیاری سی غزل

  22:37:00    Unknown

---

میں نے کیا کام لاجواب کیا
اس کو عالم میں انتخاب کیا

کرم اس کے ستم سے بڑھ کر تھے
آج جب بیٹھ کر حساب کیا

کیسے موتی چھپائے آنکھوں میں
ہائے کس فن کا اکتساب کیا

کیسی مجبوریاں نصیب میں تھیں
زندگی کی کہ اک عذاب کیا

ساتھ جب گردِ کوئے یار رہی
ہر سفر ہم نے کامیاب کیا

کچھ ہمارے لکھے گئے قصّے
بارے کچھ داخلِ نصاب کیا

کیا عبیدؔ اب اسے میں دوں الزام
اپنا خانہ تو خود خراب کیا

Read More

منور رانا کی حقیقت بھری غزل

منور رانا کی حقیقت بھری غزل

  00:18:00    Unknown

---

سیاسی آدمی کی شکل تو پیاری نکلتی ہے

مگر جب گفتگو کرتا ہے چنگاری نکلتی ہے

لبوں پر مسکراہٹ دل میں بیزاری نکلتی ہے

بڑے لوگوں میں ہی اکثر یہ بیماری نکلتی ہے

محبت کو زبردستی تو لادا جا نہیں سکتا

کہیں کھڑکی سے میری جان الماری نکلتی ہے

یہی گھر تھا جہاں مل جل کے سب ایک ساتھ رہتے تھے

یہی گھر ہے الگ بھائی کی افطاری نکلتی ہے

Read More

وصی شاہ کی ایک دلکش غزل

وصی شاہ کی ایک دلکش غزل

  23:25:00    Unknown

---

میں تیرے لب پہ ہوں دیرینہ شیکایت کی طرح

یاد رکھنا ہے تو نے مجھ کو عداوت کی طرح

چاند نکلے تو میرا جسم مہک اُٹھتا ھے

رُوح میں اُٹھتی ہوئی تازہ محبت کی طرح

تیری خاطر تو کوئی جان بھی لے سکتا ھوں

میں نے چاہا ہے تجھے گاؤں کی عزت کی طرح

کھل رہی ہےمیرے دیرینہ مسائل کی گرہ

میرے ماحول میں اُترا ہے وہ برکت کی طرح

اب تیرے ہجر میں کوئی لطف نہیں ہے باقی

اب تجھے یاد بھی کرتے ہیں تو عادت کی طرح

تم میری پہلی محبت تو نہیں ہو لیکن

میں نے چاہا ہے تمہیں پہلی محبت کی طرح

وہ جو آتی ہے تو پھر لوٹ کے جاتی ہی نہیں

تم لپٹ جاؤ کبھی ایسی مصیبت کی طرح

میرے دل میں کوئی معصوم سا بچہ ہے وصیؔ

جو تجھے سوچتا رہتا ہے شرارت کی طرح

Read More

امجد اسلام امجد کا فن پارہ

امجد اسلام امجد کا فن پارہ

  06:32:00    Unknown

---

ہاتھ پہ ہاتھ دَھرے بیٹھے ہیں‘ فرصت کتنی ہے

پھر بھی تیرے دیوانوں کی شہرت کتنی ہے!

سورج  گھر سے نکل چکا تھا کرنیں تیز کیے

شبنم گُل سے پوچھ رہی تھی ”مہلت کتنی ہے!“

بے مقصد سب لوگ مُسلسل بولتے رہتے ہیں

شہر میں دیکھو سناٹے کی دہشت کتنی ہے!

لفظ تو سب کے اِک جیسے ہیں‘ کیسے بات کھلے؟

دُنیا داری کتنی ہے اور چاہت کتنی ہے!

سپنے بیچنے آ تو گئے ہو‘ لیکن دیکھ تو لو

دُنیا کے بازار میں ان کی قیمت کتنی ہے!

دیکھ غزالِ رم خوردہ کی پھیلی آنکھوں میں

ہم کیسے بتلائیں دل میں وحشت کتنی ہے!

ایک ادھورا وعدہ اُس کا‘ ایک شکستہ دل‘

لُٹ بھی گئی تو شہرِ وفا کی دولت کتنی ہے!

میں ساحل ہوں امجد اور وہ دریا جیسا ہے

کتنی دُوری ہے دونوں میں‘ قربت کتنی ہے

Read More

جاوید اختر کا دلکش کلام

جاوید اختر کا دلکش کلام

  00:35:00    Unknown

---

غزلِ جاوید اختر 

درد کے پھول بھی کھِلتے ہیں بِکھر جاتے ہیں

زخم کیسے بھی ہوں کچھ روز میں بَھر جاتے ہیں

راستہ روکے کھڑی ہے یہی اُلجھن کب سے

کوئی پُوچھے تو کَہیں کیا کہ کدھر جاتے ہیں

چھت کی کڑیوں سے اُترتے ہیں میرے خواب مگر

میری دیواروں سے ٹکرا کے بِکھر جاتے ہیں

نرم الفاظ بھلی باتیں مہذّب لہجے

پہلی بارش ہی میں یہ رنگ اُتر جاتے ہیں

اس دریچے میں بھی اب کوئی نہیں اور ہم بھی

سر جھُکائے ہوئے چُپ چاپ گزر جاتے ہیں

Read More

راحتؔ اندوری اپنے مخصوص لہجے میں۔۔۔

راحتؔ اندوری اپنے مخصوص لہجے میں۔۔۔

  00:13:00    Unknown

---

راحتؔ اندوری اپنے مخصوص لہجے میں۔۔۔

سمندر پار ہوتی جا رہی ہے

دعا ، پتوار ہوتی جا رہی ہے

دریچے اب کھلے ملنے لگے ہیں

فضا ہموار ہوتی جا رہی ہے

کئی دن سے مرے اندر کی مسجد

خدا بیزار ہوتی جا رہی ہے

مسائل، جنگ، خوشبو، رنگ، موسم

غزل اخبار ہوتی جا رہی ہے

بہت کانٹوں بھری دنیا ہے لیکن

گلے کا ہار ہوتی جا رہی ہے

کٹی جاتی ہیں سانسوں کی پتنگیں

ہوا تلوار ہوتی جا رہی ہے

کوئی گنبد ہے دروازے کے پیچھے

صدا بیکار ہوتی جا رہی ہے

گلے کچھ دوست آ کر مل رہے ہیں

چھری پر دھار ہوتی جا رہی ہے

Read More

قتیل شفائی کی ایک پیاری غزل

قتیل شفائی کی ایک پیاری غزل

  06:22:00    Unknown

---

قتیل شفائی کی ایک پیاری غزل

تمہاری انجمن سے اُٹھ کے دیوانے کہاں جاتے

جو وابستہ ہوئے تم سے وہ افسانے کہاں جاتے

نکل کر دیر و کعبہ سے اگر ملتا نہ مے خانہ

تو ٹھکرائے ہوئے انساں خدا جانے کہاں جاتے

تمہاری بے رخی نے لاج رکھ لی بادہ خانے کی

تم آنکھوں سے پلا دیتے تو پیمانے کہاں جاتے

چلو اچھا ہوا، کام آ گئی دیوانگی اپنی

وگرنہ ہم زمانے بھر کو سمجھانے کہاں جاتے

قتیلؔ اپنا مقدر غم سے بیگانہ اگر ہوتا

تو پھر اپنے پرائے ہم سے پہچانے کہاں جاتے

Read More