محسن نقوی کی ایک بہترین غزل

محسن نقوی کی ایک بہترین غزل

  12:28:00    Unknown

---

 

​

قتل چھپتے تھے کبھی سنگ کی دیوار کے بیچ​

اب تو کھلنے لگے مقتل بھرے بازار کے بیچ​

​

اپنی پوشاک کے چھن جانے پہ افسوس نہ کر​

سر سلامت نہیں رہتے یہاں دستار کے بیچ​

​

سرخیاں امن کی تلقین میں مصروف رہیں​

حرف بارود اگلتے رہے اخبار کے بیچ​

​

کاش اس خواب کی تعبیر کی مہلت نہ ملے​

شعلے اگتے نظر آئے مجھے گلزار کے بیچ​

​

ڈھلتے سورج کی تمازت نے بکھر کر دیکھا​

سر کشیدہ مرا سایا صف اشجار کے بیچ​

​

رزق، ملبوس ، مکاں، سانس، مرض، قرض، دوا​

منقسم ہو گیا انساں انہی افکار کے بیچ​

​

دیکھے جاتے نہ تھے آنسو مرے جس سے محسن​

آج ہنستے ہوئے دیکھا اسے اغیار کے بیچ​

​

محسن نقوی​

Read More

غزل محسن نقوی

غزل محسن نقوی

  00:05:00    Unknown

---

غزل 

======

محسن نقوی 

---------------------

وفا میں اب یہ ہنر اختیار کر نا ہے 

وہ سچ کہے نہ کہے ، اعتبار کرنا ہے 

یہ تجھ  کو جاگتے رہنے کا شوق کب سے ہوا

مجھے تو خیر ترا انتظار کرنا ہے 

ہوا کی زد میں جلانے ہیں آنسووں کے چراغ 

کبھی یہ جشن سر_ راہ گزار کرنا ہے 

مثال _شاخ _برہنہ ، خزاں کی رت میں کبھی 

خود اپنے جسم کو بے برگ و بار کرنا ہے 

تیرے فراق میں دن کس طرح کٹیں اپنے 

کہ شغل _شب تو ستارے شمار کرنا ہے 

کبھی تو دل میں چھپے زخم بھی نمایاں ہوں 

قبا سمجھ کے بدن تار تار کرنا ہے 

خدا خبر یہ کوئی  ضد کہ شوق ہے محسن 

خود اپنی جان کے دشمن سے پیار کرنا ہے

Read More

محسن نقوی کی ایک پیاری غزل

محسن نقوی کی ایک پیاری غزل

  22:45:00    Unknown

---

محسن ؔ نقوی کی ایک پیاری غزل

انکار کیا کرے گی ہوا میرے سامنے

گھر کا ہر اک چراغ بجھا میرے سامنے

یاد آ نہ جائے مقتل یاراں کی رات پھر

نیزے پہ کوئی سر نہ سجا میرے سامنے

اس کے خلوص میں بھی ضرورت کا رنگ تھا

وہ دے رہا تھا مجھ کو دعا میرے سامنے

مجھ سے بچھڑ کے خط میں لکھی اس نے دل کی بات

کیوں اس کو حوصلہ نہ ہوا میرے سامنے

میرے لہو سے تیرا لبادہ بھی تر ہوا

اب میرا سوگ تو نہ منا میرے سامنے

دل پر ہے نقش لطف عزیزاں کا سلسلہ

سب پر کرم وہ میرے سوا میرے سامنے

وہ جھوٹ ہی سہی مجھے یوں بھی عزیز ہے

کہنا تھا جو بھی،اس نے کہا میرے سامنے

جیسے میں آشنائے چمن ہی نہ تھا کبھی

گزری ہے یوں بھی آج صبا میرے سامنے

وہ لمحہ نزول قیامت سہی مگر

اک دن تو آئے میرا خدا میرے سامنے

کل تک وہ آئینے سے بھی نازک مزاج تھا

محسنؔ وہ شخص ٹوٹ گیا میرے سامنے

Read More

Mohsin Naqwi ki Bahtreen ghazal

Mohsin Naqwi ki Bahtreen ghazal

  05:48:00    Unknown

---

محسن ؔ نقوی کی بہترین غزل

اب وہ طوفان ہے نہ وہ شور ہواؤں جیسا

دل کا عالم ہے تیرے بعد خلاؤں جیسا

کاش دنیا میرے احساس کو واپس کر دے

خامشی کا وہی انداز،صداؤں جیسا

پاس رہ کر بھی ہمیشہ وہ بہت دور ملا

اس کا انداز تغافل تھا خداؤں جیسا

کتنی شدت سے بہاروں کو تھا احساس مآل

پھول کھل کر بھی لگا زرد خزاؤں جیسا

کیا قیامت ہے کہ دنیا اسے سردار کہے

جس کا انداز سخن بھی ہو گداؤں جیسا

پھر تیری یاد کے موسم نے جگائے محشر

پھر میرے دل میں اٹھا شور ہواؤں جیسا

بارہا خواب میں پا کر مجھے پیاسامحسنؔ

اس کی زلفوں نے کیا رقص گھٹاؤں جیسا

Read More

Mohsin Naqwi .. Aap ki Aankho me kuch ..

Mohsin Naqwi .. Aap ki Aankho me kuch ..

  09:13:00    Unknown

---

محسنؔ نقوی

آپ کی آنکھ میں کچھ رنگ سا بھرنا چاہے

دِل بھی خوابوں کے جزیروں سے گزرنا چاہے

کتنا دِلکش ہَے شبِ غم کی خموشی کا فسوں

زندگی آپ کی آہٹ سے بھی ڈرنا چاہے

میں لہو بن کے تیرے رنگِ قبا سے اُلجھوں

تو شفق بن کے میرے رُخ پہ بکھرنا چاہے

جشنِ نو روز ہو یا شامِ غریباں کا سکوت

دِل ہر اِک خوف کی منزل سے گزرنا چاہے

رُوٹھ جانا تو نمائش ہے سراسر وَرنہ

زندگی یُوں بھیِ تیری بات پہ مرنا چاہے

یہ الگ بات کہ آنکھوں نے اُسے دیکھ لیا

ورنہ وہ عکس میرے دِل میں اُترنا چاہے

میری تقدیر کی صورت میرے اشکوں کی طرح

وہ حسیں شخص بہر حال سنورنا چاہے

دِن کی تقدیر کا حاصل بھی وہی ہےمحسنؔ

اِک ستارا جو سرِ شام اُبھرنا چاہے

Read More