ماہر القادری کی ایک غزل

ماہر القادری کی ایک غزل

  08:48:00    Unknown

---

ماہرؔالقادری کی ایک غزل

وہ تیرے حال سے غافل دل ناشاد نہیں

وہ یہ کہتے ہیں مجھے فرصت بیداد نہیں

مسکراتے ہوئے پھولوں نے کہاشبنم سے

فطرتِ غم سے یہاں کوئی بھی آزاد نہیں

میں کہ خود اپنی جگہ پر بھی نہیں ہوں موجود

وہ کہ ہر جا ہیں و لیکن کہیں آباد نہیں

میری ہر بات پہ چہرہ متغیر کیوں ہے

تم تو کہتے تھے کوئی بات مجھے یاد نہیں

جانے کیا اس کی نگاہوں نے فسوں پھونک دیا

دل کسی طرح بھی آمادہ فریاد نہیں

میں تڑپتا ہوں فقط لطف کی خاطر ماہرؔ

وہ سمجھتے ہیں کہ دل تشنہ بیداد نہیں