Firaq gorakhpuri ... Kuch Ishare they jinhe duniya samajh Baithe..
کچھ اشارے تھے جنہيں دنيا سمجھ بيٹھے تھے ہم
(فراقؔ گورکھپوري)
کچھ اشارے تھے جنہيں دنيا سمجھ بيٹھے تھے ہم
اس نگاہ ِ آشنا کو کيا سمجھ بيٹھے تھے ہم
رفتہ رفتہ غير اپني ہي نظر ميں ہو گئے
واہ ري غفلت! تجھے اپنا سمجھ بيٹھے تھے ہم
ہوش کي توفيق بھي کب اہل ِ دل کو ہو سکي
عشق ميں اپنے کو ديوانہ سمجھ بيٹھے تھے ہم
بے نيازي کو تيري پايا سراسر سوز و درد
تجھ کو اک دنيا سے بيگانہ سمجھ بيٹھے تھے ہم
بھول بيٹھي وہ نگاہ ِ ناز عہد ِ دوستي
اس کو بھي اپني طبيعت کا سمجھ بيٹھے تھے ہم
حسن کو اک حسن کي سمجھے نہيں اور اے فراقؔ
مہرباں، نا مہرباں، کيا کيا سمجھ بيٹھے تھے ہم
0 comments:
Post a Comment
Give Us your voice...