Nasir Kazmi ... Hoti hai tere nam se wahshat kabhi kabhi
ہوتي ہے تيرے نام سے وحشت کبھي کبھي
(ناصرؔ کاظمي)
ہوتي ہے تيرے نام سے وحشت کبھي کبھي
برہم ہوئي ہے يوں بھي طبيعت کبھي کبھي
اے دل، کسے نصيب يہ توفيق اضطراب
ملتي ہے زندگي ميں يہ راحت کبھي کبھي
تيرے کرم سے اے الم حسن آفريں!
دل بن گيا ہے دوست کي خلوت کبھي کبھي
جوش جنوں ميں درد کي طغيانيوں کے ساتھ
اشکوں ميں ڈھل گئي تيري صورت کبھي کبھي
تيرے قريب رہ کے بھي دل مطمئن نہ تھا
گزري ہے مجھ پہ يہ بھي قيامت کبھي کبھي
کچھ اپنا ہوش تھا نہ تمہارا خيال تھا
يوں بھي گزر گئي شب فرقت کبھي کبھي
اے دوست، ہم نے ترک محبت کے باوجود
محسوس کي ہے تيري ضرورت کبھي کبھي
0 comments:
Post a Comment
Give Us your voice...